به‌ پێی هه‌واڵی ماڵپه‌ری ده‌نگی ئاڵمانیا حه‌لیم سولماز له‌ مانگی شه‌شی ساڵی 1884 له‌دایكبووه‌ و 125 ساڵ ته‌مه‌نی هه‌یه‌ كه‌ به‌ساڵاچووترین مرۆڤی جیهان له‌قه‌ڵه‌مده‌درێت. له‌ میدیاكانی جیهانییه‌وه‌ ئافره‌تێكی ژاپۆنی به‌ 114ساڵ ته‌مه‌نه‌وه‌ وه‌ك به‌ساڵاچووترین كه‌سی جیهان ناسراوه‌ به‌ڵام ده‌بێ پێداچوونه‌وه‌ی بۆ بكرێت و حه‌لیم سولماز ئافره‌تی كوردی باكووری كوردستان وه‌ك به‌ساڵاچووترین كه‌سی جیهان بناسرێت.
به‌ پێی وته‌ی به‌رپرسانی نووسینگه‌ی ناسنامه‌و ره‌گه‌زنامه‌ی شاری دیاربه‌كر ئه‌گه‌ر راستی مێژووی له‌دایكبوونی حه‌لیم سولماز پشت راست بكرێته‌وه‌،  ئه‌وه‌ ده‌بێته‌ مایه‌ی شانازی گه‌لی كورد.
حه‌لیم سولماز ده‌ڵێ: نهێنی ته‌مه‌ن درێژیم خواردنی به‌رده‌وامی ماسته‌ و زۆر كه‌م خۆراكه‌ چه‌وه‌ر و گۆشتداره‌كان ده‌خۆم.
ئه‌و ئافره‌ته‌ كورده‌  دوو جار هاوسه‌رگیری كردووه‌ و خاوه‌نی چوار كور و سێ كچه‌ و 54 نه‌وه‌و 150 نه‌تیجه‌ی هه‌یه‌. هاوسه‌ری یه‌كه‌می حه‌لیم سولماز له‌ ساڵی 1914 له‌ جه‌نگی جیهانی دووه‌م كوژراوه‌.
حه‌لیم سولماز بیره‌وه‌ری له‌ ئاتا تورك هه‌یه‌ و ده‌ڵێ: موسته‌فا كه‌مال سه‌ردانی گونده‌كه‌مانی كردووه‌ و پێكه‌وه‌ په‌رداخێك ئایران (خواردنی تایبه‌تی توركیا)یان خواردووه‌.
بارودۆخی ته‌ندروستی سولماز باشه‌ ته‌نیا توزێك  بۆ بیستن گرفتی هه‌یه‌ و  پێده‌چێت چه‌ندین ساڵیتر ژیان به‌سه‌ر ببات و ریكۆردێكی نوێ تۆمار بكات.

سه‌رچاوه‌:کوردستان تیتی