ته‌رمی‌ ئافره‌تێكی‌ گه‌نج له‌ناحیه‌ی‌ شوان دۆزرایه‌وه‌‌و بۆ لێكۆڵینه‌وه‌ی‌ زیاتریش ره‌وانه‌ی‌ پزیشكی‌ دادوه‌ری‌ كه‌ركوك كرا.
كه‌ركوك، ئاوێنه‌: به‌رێوبه‌ری‌ پۆلیسی‌ قه‌زاو ناحیه‌كانی‌ شاری‌ كه‌ركوك، عه‌مید سه‌رحه‌د قادر ئه‌مڕۆ چوارشه‌ممه‌، به‌سایتی‌ ئاوێنه‌ی‌ رایگه‌یاند"هێزه‌كانی‌ پۆلیس ته‌رمی‌ ئافره‌تێكی‌ نه‌ناسراوی‌ ته‌مه‌ن 20-25 ساڵیان له‌ناحیه‌ی‌ شوان دۆزییه‌وه‌".
ناوبراو ئاماژه‌ی‌ به‌وه‌شكرد كه‌ ته‌رمه‌كه‌ تاوه‌كو ئێستا نه‌ناسراوه‌ته‌وه‌و پۆلیس ره‌وانه‌ی‌ یه‌كه‌ی‌ پزیشكی‌ دادی‌ كه‌ركوكیان كردووه‌.